కాంగ్రెస్ అభ్యర్థుల ఎంపికపై కొనసాగుతున్న ఉత్కంఠ

పెద్దపల్లి లోక్ సభ స్థానం నుంచి టిఆర్ఎస్ పార్టీ అభ్యర్థిగా మాజీ మంత్రి కొప్పుల ఈశ్వర్ ను ఆ పార్టీ రంగంలోకి దించింది . స్థానికుడైన కొప్పుల ఈశ్వర్ ఇప్పటికే ప్రచారంలో దూసుకుపోతున్నాడు. బిజెపి సైతం తమ పార్టీ అభ్యర్థిగా గోమాస శ్రీనివాసును ప్రకటించింది. కాంగ్రెస్ పార్టీ అభ్యర్థి ఎంపిక మాత్రం ఇంకా ఓ కొలిక్కి రాలేదు . పెద్దపల్లి లోక్ సభ స్థానం నుంచి చెన్నూరు ఎమ్మెల్యే గడ్డం వివేక్ వెంకటస్వామి కుమారుడు గడ్డం వంశి పేరు ఖరారు అయినట్లు ప్రచారం జరుగుతున్నా అబ్బే అలాంటిదేమీ లేదు పెద్దపల్లి లోక్ సభ స్థానం కోసం మాజీ ఎంపీ డాక్టర్ సుగుణకుమారి , ప్రముఖ బిల్డర్ , మైత్రి రిసార్ట్స్ అధినేత ఆసంపల్లి శ్రీనివాసులు పోటీ పడుతున్నట్లు కాంగ్రెస్ వర్గాలు అందిస్తున్న సమాచారం .పార్టీలో చేరేటప్పుడే కాంగ్రెస్ పార్టీ అధిష్టానం తమ కుమారుడు వంశీకి పెద్దపెల్లి ఎంపీ టికెట్ ఇస్తామని హామీ ఇచ్చారని చెన్నూరు ఎమ్మెల్యే వివేక్ వెంకటస్వామి చెప్తున్నారు.