ఆసంపల్లికి అడ్వకేట్ ల మద్దతు

(పొలిటికల్ ఫ్యాక్టరీ – గోదావరిఖని )
ప్రముఖ వ్యాపారవేత్త , మైత్రి రిసార్ట్స్ అధినేత ఆసంపల్లి శ్రీనివాస్ కు కాంగ్రెస్ పార్టీ టికెట్ కేటాయించాలని గోదావరిఖని కి చెందిన పలువురు న్యాయవాదులు కాంగ్రెస్ పార్టీ అధిష్టానానికి విజ్ఞప్తి చేశారు. పెద్దపెల్లి లోక్ సభ నియోజకవర్గంలో నుంచి కాంగ్రెస్ పార్టీ టికెట్ ఆశిస్తున్న ఆసంపల్లి శ్రీనివాస్ గురువారం నాడు పలువురు న్యాయవాదులను కలుసుకొని తనకు మద్దతు ఇవ్వాల్సిందిగా కోరారు . ఇందుకు సానుకూలంగా స్పందించిన పలువురు న్యాయవాదులు ఆసంపల్లి శ్రీనివాస్ కు సంపూర్ణ మద్దతు ప్రకటించారు. మాదిగ సామాజిక వర్గానికి చెందిన స్థానికుడు ఆసంపల్లి శ్రీనివాస్ కు కాంగ్రెస్ పార్టీ టికెట్ కేటాయించాలని , ఆయన గెలుపు కోసం న్యాయవాదుల అందరం కృషి చేస్తామని తెలిపారు. గోదావరిఖనిలోని స్థానిక కోర్టు ప్రాంగణంలో న్యాయవాది ఆసంపల్లి రవి నేతృత్వంలో పలువురు న్యాయవాదులను ఆసంపల్లి శ్రీనివాస్ కలుసుకున్నారు.