(పొలిటికల్ ఫ్యాక్టరీ – ఎల్లారెడ్డి)
తీవ్ర అనారోగ్యంతో బాధపడుతున్న మంద రాజయ్య కు ₹2,50,000 ఆర్థిక సహాయం
ప్రజల కష్టసుఖాల్లో తోడుగా నిలుస్తూ, అవసరమైన వేళల్లో వెంటనే స్పందించే నాయకత్వం ఎలా ఉండాలో మరోసారి నిరూపించారు ఎల్లారెడ్డి ఎమ్మెల్యే మదన్ మోహన్ .
లింగంపేట్ మండలం బాణాపూర్ గ్రామానికి మంద రాజయ్య కు తీవ్ర అనారోగ్యంతో బాధపడుతూ అత్యవసర శస్త్రచికిత్స అవసరమని వైద్యులు సూచించారు. సాధారణ కుటుంబానికి చెందిన మంద రాజయ్య కుటుంబం ఇప్పటికే వైద్య ఖర్చులతో ఆర్థికంగా చితికిపోయి తీవ్ర ఆందోళనలో పడింది. కుటుంబ సభ్యులు ఆశ్రయించడానికి మార్గం లేక ఎమ్మెల్యే మదన్ మోహన్ ని సంప్రదించారు.
విషయం తెలిసిన వెంటనే స్పందించిన ఎమ్మెల్యే మదన్మోహన్ ఆలస్యం చేయకుండా ₹2,50,000 రూపాయల ఎల్.ఓ.సి ఆర్థిక సహాయం చేయించి మానవత్వాన్ని చాటుకున్నారు. ఆర్థిక సహాయం అందడంతో మంద రాజయ్య చికిత్సకు మార్గం సుగమమైంది.
“ఇలాంటి క్లిష్ట సమయంలో మా కుటుంబానికి దేవుడిలా నిలిచారు” అంటూ మంద రాజయ్య కుటుంబ సభ్యులు భావోద్వేగంతో ఎమ్మెల్యే కి కృతజ్ఞతలు తెలిపారు. గ్రామ ప్రజలు కూడా ఎమ్మెల్యే తక్షణ స్పందనను ప్రశంసించారు.
ప్రజా సేవనే ధ్యేయంగా తీసుకుని, ప్రతి కుటుంబానికి భరోసాగా నిలుస్తున్న ఎమ్మెల్యే మదన్ మోహన్ సేవా భావం నియోజకవర్గంలో విశేషంగా చర్చనీయాంశమైంది.
